Asaj rruge – Zymer H. Haliti

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

ASAJ RRUGE

Ti mund të shkosh asaj rruge
Pa kthyer kokën t’më shikosh
Do t’perëndoi dielli asaj fushe
Dhe këtë mugëtirën do kujtosh.

Në jetë ka shumë rrugë t’hirta
Varet prej nesh se n’cilën jemi
Sa shpejt ikë jeta,si nata e dita…
Rëndësi ka se ç’fat n’jetë kemi.

Një ditë rrugën do na tregoj jeta
Cfarë përjetuam në këto tregime
Kujtoj se do të lëndojë e vërteta
Dhe s’do të vlej aspak poezia ime.

Asaj rruge sikur kanë çelur lulet
Ka kohë që as shikim s’kam hedh
Tani duket sikur flasin dhe muret
Për ecejakët tona që kemi bredh.

Zymer H.Haliti