Të prita – Sherife Malo Allko

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Të prita
*****
Më le si zog të vetmuar,
në këtë ditë të zymte ,
ku shiu rigonte pa reshtur .
Mbas xhamit të dritares
prisja mos shfaqej papritur silueta juaj
Avulli që dilte nga buzët e mia ,
përplasej mbas xhamit trishtueshëm .

Mbi xhamin me avull fillova të vizatoj, figura nga më të ndryshmet .
Vizatova dy zemra pranë e pranë ,
me emrat tonë mbi to ,
I mbështolla me fjalën e ëmbël të dua .

Harruar isha në mendime të thella mbas xhamit të lagur nga cërrkat e shiut ,
por silueta juaj nuk u duk kurrë .
Shiu vazhdonte tē rigonte.
Unë përhumbur në thellësi mendimesh .

Sherife Malo Allko
26.05.2020