Toke e bekuar – Albert Hitollari
” TOKE E BEKUAR ”
———————————-
* *
Larg prej viseve Arberore , me vjen zeri i Bilbilit
Tek shoh bulezat Vesore , mbi petal te Trendafilit ,
Ndjej arome gjelberimi , te Barit e te Terfilit
Ne berthame te shpirtit tim , shperthen dehja e permallimit!
* *
Mrekullohem prej deshires ,sa ky shpirt levrin gjith gaz ,
Lageshtia Mengjesore , seç me çon, ne tjeter faz ,
Gjaku me buçet ne vena , damaret kerkon ti plas ,
Renkoj nga klithmat e mia , une i mbyturi ne maraz !
* *
O Bilbil tenori i shpendeve , eja mi rrefe dhe mua ,
Bukurite e vendit tim , me ato kenget e tua ,
T’me qetesosh k’te shpirtin tim , qe aq shume u pervelua ,
Nga ky zjarr ne mergim , qe m’rri ndezur e su shua !
* *
Ah , ky mall me ka mberthyer , me shtrengon pa meshire ,
Dhimbja eshtrat mi ka gerryer , gjer aty me ka arrire ,
Tere fuqite me kane shteruar , te gjithe trupin me ka mpire ,
As nuk mundem dot te ngrihem , te terin , me ka perfshire !
* *
Bej te ulem , me çon dhimbja , shko me thote , mos rri , por ik !
As te fle , e as te shtrihem , nuk me le , as nje çik ,
Syte me mbeten larg nga lindja , s’di i mjeri , çfar kam prit ,
As mendjen s’munda ta bindja , shkon e vjen duke shetit !
* *
Veç ateher kur ekzistenca , pa te pyetur te degdis ,
Te rremben e te flak tutje , larg shume large te gremis ,
Jeta te shkon rrokullime , te shtyn tutje te villis
Te merr si leter ne duar , e ne copa ze te gris !
* *
Prehje s’gjej ne ngushellim , duke shtytur ditet zvarre ,
Degjo amanetin tim , per gjithçka qe thash me pare ,
Nese diçka do me ngjase , nje dite larg Atedheut mua ,
Dua t’jem i gjalle me pas , aty ne Ligjerimet e tua !
* *
T’mi thuash miqeve mos me lini , qe te prehem ne mergim ,
Thuaj trupin te ma digjni , te ma mblidhni , hirin tim ,
Ne vendlindje te me shpini , te me hidhni ne nje are ,
Qe te ngjallem , te me shihni , si ajo bima nga nje fare !
* *
Dhe ne ngrift ky trup si Akull , sa te dale rrezja e Diellit ,
Do te shkrij , do kthehem avull , lart do fluturoj drejt Qiellit ,
Ne mesnat do bie si Ves , Male , Koder , e Lugin ,
Te shoh Agun kur buzeqesh , atje ne Atdheun tim !
* *
Ateher s’do jem i djeshem , dikush qe ka perenduar ,
As nje brenge i atehershem , amanet i kohes se shkuar ,
As maraz , as mall , as peng , dhimbjet do me kene shteruar ,
Bekuar ! – O Toke do them : – Shpirtin po ta le ne duar !
ALBERT HITOLLARI