Bozaxhiu – Albert Hitollari
” BOZAXHIU ”
——————————-
Dikur shpesh me zgjonte
Nje burre me karroce ,
Me nje ze te ngjirur
Pa lindur ende Dielli !
Kembet hiqte zvarre
I vjeter ish ne moshe ,
Ne ç’do rrugice therriste :
Boze e fresket Meli !
*
Me pas e merrte udhen
Nga pazari i vjeter ,
Ku bujq e fermere
Shisnin gjen e gjalle !
Dikush , Grure e Miser
Elb , Tershere e Theker ,
Nje tjeter ca Qepujka
Terfil e Jonxh per fare !
*
Nga fundi neper tezga
Bertisnin Arixhinjte :
Mall me çmim te ulet
Te lire dhe te mire !
Ne hijen e nje peme
Bashke me qoftexhinjte ,
Hamej dhe pijanece
Ja shtronin duke pire !
*
Xhambaze e matrapaze
Shikonin nga dhembet ,
Ç’moshe kishte nje Viç
Nje Dash , nje Lope , nje Dhi ,
Nallbane qe i mbathnin
Patkonje ,Kuajve te Kembet,
Tellalle qe kerkonin
Pune me hangari !
*
Tek tuk , ndonje fallxhore
Te zinte prite ne rruge ,
S’te ndahej , nuk te shqitej
Nje falle per te hedhur !
Me tej ca sehirxhinje
Xhepiste dhe hajdute ,
Shikonin rreth e rrotull
Ç’te gjenin per te vjedhur !
*
Te shfaqej tablo tjeter
Ne krahun matane ,
Ca Qen , duke i shqyer
Qeset mbushur plehra !
Diku nje Mace hidhej
Kercente mbi kazane ,
Me pas ne gjith pazarin
Te kundermonte era !
*
Por kurre nuk mungonin
Dhe disa djelmoshe ,
Koke e kembe perlyer
Mbuluar gjithe djerse !
Mblidhnin e kerkonin
Kanaçe larte e poshte ,
Te lodhur , rraskapitur
Mbi shpine hedhur nje thes !
*
Dhe pse jam larguar
Diku ne nje vend tjeter ,
Shume large atij qyteti
Shpesh mbushem me ndjesi !
Sa here qe me kujtohet
Ai pazar i vjeter ,
Me kthehet nostalgjia
Dhe prape ai Bozaxhi ! — me Albert Hitollari.