Nënë e bir (Pjesa e tretë) – Zoica Gjolla Popi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Poezi

Nënë e bir

(Pjesa e tretë)

Moj ti natë aq e gjatë
me yje të drithëruar
pyete djalin shpirtin tim
në dhimbjen e nënës është dyshuar?

Ç’pati kjo natë që nuk gdhihet?
Sot fëmijë i burrëruar
unë pa lot kam qarë
unë e heshtur diçka dua.

Në mes dhimbjesh more bir
mrekulli e mrekulluar
ashtu nata qe e gjatë
ftohti dridhte buzët e tua.

Qarja jote drodhi tokën,
qumështin e gjirit thërrisje ti:
eja dhimbje bëhu thërrime
eja lindje bëhu diell!

Eja qeshje bëhu rreze
qumështi i nënës i bekuar!
Qeshje ëmbël duke pirë
engjëll nëne dritëpërshkuar.

Më vjen keq që jam e dobët
trup e tru i kam të mpirë
mbase sëmundja ime të lodhi
por është akoma shpejt more bir.

Zoica Gjolla Popi
Angli

Vijon në pjesën e katërt……