Shkruaj letra – Rifat Ismaili

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

SHKRUAJ LETRA

Kam shumë letra
Për të shkruar…

I shkruaj karvanit të reve
Që shkojnë në dasmën e shiut.

Të dashurës që nën shi
Studion Makbethin para pasqyrës…

Dhe gjuetarëve
Tek kërkojnë nëpër pyll
Të panjohurën…

Hënës që shtrin duart
Drejt diellit të ngrohet.

Vetes i shkruaj në trup;
Fjalët që s’ dua ti humb…

Me pendën magjike
Zbrazëtinë e mund

U shkruaj të gjithëve sonte…

Vitet 90