Me zi po pres… – Besnik Memelli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

ME ZI PO PRES…

Më rëmbeu fytyra jote ktë mëngjes
dhe as që e mora vesh se ku më çoi,
në ëndra të mëdhaja apo në univers
e vërtetë ish apo mëndja më gaboi !

Që atë çast zemrën e kisha tek ty
s’mund të mendoja për asgjë tjetër,
mu largove e më përkëdhele me sy
sikur ishim me kohë miq të vjetër.

Gozhdë në zemër më ngele se di
me zi pres të të shoh dhe njëherë,
dashurinë ma vodhe me syrin e zi
ta dish sa vuan shpirti im i mjerë !

Sa i ëmbël shikimi dhe buzëqeshja
që ti më dhurove ktë mëngjes gri,
prej tyre tani s’më ndan as vdekja
me ankth po pres t’ju takoj përsëri.

Besnik Memelli
23.05.2020