Ja që ndodhi – Bledi Ylli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Ja që ndodhi

Rrojnë të etura dy vetmi
I ushqen përbindshëm malli
Njëra unë e tjetra ti
Presim, vdesim për së gjalli.

Ditët veshin frymën tënde
Bota merr të tuat sy
E kështu mëngjes e mbrëmje
Një vetmi, për zemra dy.

Flasin muzgjet, malet, detet
Flasim ne, me sy e shpirt
E në fund asgjë nuk mbetët
Veç dy zemra zënë në flirt!

Rrojnë dy njerëz larg e larg
Me pasionin jasht kontrolli
Nuk sheh shpirti veç përqark
Ndaj dhe ndodhi (Ja që ndodhi)!

Bledi Ylli