Kënga e jetës – Xhevdet Bajraj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

KËNGA E JETËS

Një fëmijë i zbathur
aksidentalisht e shkeli një lule
lulja klithi
dhe muret e botës u thyen
fushat u mbushën me Drerë të Kaltër
qielli u mbush me Pëllumba të Kaltër
u përzien të gjallët me të vdekurit
dhe më në fund u arrit paqja

Megjithatë
askush nuk mundi të flinte një kohë të gjatë
kënga e jetës ishte skandaloze

“Vitet që nuk e sollën pranverën”, De Rada, Ferizaj, 2018
Xhevdet Bajraj