Ju shtete krijuat por nuk bëtë Atdhe – Mehmet Breznica

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

JU SHTETE KRIJUAT
POR NUK BËTË ATDHE

(Mehmet Ali Pashës dhe Ali Pashë Tepelenës)

Zogjtë diellorë kudo ngrejnë fole
Mehmet Ali Pashë buzë Nilit
Luani i Janinës
Në zemër të Epirit

Njëri praptoi hënën
Nga qiell i errësirës
Tjetri krijoi diellin
Në buzët e shkretëtirës

Para këmbëve të të Dyve
U gjunjëzua edhe vetë Napoleoni
Në sytë e tyre diellorë
Në hap u gozhdua Sulltani

Largësitë ishin të gjata
Në mes tyre kontinente
Në degë lisi lëvarej nata
Në zemër gjarpëri brente

Njëri ka dy varre
Tjetri u dogj në muze
Ishin nga derë e Arbërit
Gjak i të madhit Skënderbe

O vdekje të mëdha
Që s’patët ide
Ju shtete krijuat
Por nuk bëtë Atdhe

Mehmet Breznica