Manastiri i shpirtit! – Avdyl Zeneli

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

MANASTIRI I SHPIRTIT !

Në rrugëtim si dy murgjër , e takohemi ëndërrave
Vetëm një çast , agim – muzg , muzg – agim
Rrugës së fshehtë , ku nata shkëmbehet me ditën
Manastirit të shpirtit , rrëfim – falje , për çdo mëkim

Mbase në rrugën e heshtjes , si kujtime do të shihemi
Me krenarinë e unit , se malli nuk n’a ka marrë
Si flokët e dëborës , do të shkrijnë ngadalë ndjenjat
Deri në fjollën e fundit , me ngjyrën e bardhë !