Ndjenjë ndryshe – Manushaqe Hoxha Laçi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Ndjenjë ndryshe

Të pashë me sy tjetër, atë të dashurisë.
Të preka ndryshe, me dorën e ndjenjës.
Të kapa dorën, me vezullimën e syrit.
Të putha syrin, me zjarrin e shpirtit.
Të preka buzën, me dorën që dridhej.

E ndjeva zemrën që ndryshe të rrahu.
Përulur ndjenjës deri në adhurim.
Në natën e gjatë hëna së largu
u bë dëshmitare e të bukurit përjetim.