Ma mbush gotën! – Shefik Arifi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

MA MBUSH GOTËN !

Sonte ma mbush gotën plot me raki!
Mbushe, të lutem, se e kam shpirtin vrerë!
Në copa qelqi u thye e imja dashuri
Dhe jeta e humbi tani çdo vlerë.

Gotën mos e ler për gjysmë, si herë të tjera!
Se do ta pi për dashurinë e saj
Pastaj më nxirr për krahu deri te dera!
Dhe më le aty, me denesë të qaj!.

Më ler të qaj për dashurinë e jetës!
Që më rrëshqiti nga duart dhe ketë herë
Për fajin tim, për hir të së vërtetës
Ndaj shpirti më është bërë vrerë.

Sonte ma mbush gotën plot me raki!
Mbushe të shkretën, mbushe plot!
Në copa qelqi u thye e imja dashuri
Dhe thellë në shpirt m‘u hap një gropë.