Ylli im – Martin Çuni

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Ylli im

Katrore të trishta, hekur e beton,

midis duket një çikë e qiellit tonë.

Ditën shoh retë, ndonjë zog n´përftim,

natën e shoh më të mirin, yllin tim.

Ylli im kalon tej tre katroresh çeliku,

në secilin katror duket më i mirë,

në secilin katror është më i dashur,

në secilin katror dëfton diç të hidhur!

Ylli im është rreze shprese të bardhë,

spektri i tij shumëngjyrësh do shpërthejë.

Ylli im do të shëndrisë i flakëruar në ar,

dhe fëmijët tanë do të jenë të gëzuar!

Burgu i Prishtinës

Janar l983.

Martin Cuni