Plagët - Sokrat Habilaj - Sofra e Poezise Shqiptare

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Lexuar : 266

PLAGËT

Ka ndodhur që miqve t’u tregoj plagët,
Se plagët mund të ndahen dhe në mes.
Pastaj kuptova se ajo që kisha mangët,
Ish’ përbuzja e tyre, a ndoshta më keq.

Dhe jam kapur si në kurth në këtë lojë,
Duke dhënë plagë të tjerëve, pa lidhje.
Nga dashuritë që lindëm, lindëm njëlloj,
Po plagët na bëjnë të ndryshëm në ikje.

Në çast armiqtë i kam thirrur në pritë,
I thirra t’u lutem, pa derdhur asnjë lot,
Ju që dikur plagët m’i hapët burrërisht,
Vazhdoni m’i shqyeni gjer në kockë!

Shpërndaje në rrjetet sociale:

Porosit vide-poezine tende, kontakto => laberianews@gmail.com

Tags: poezi