Pranverë e trishtë - Shefik Arifi - Sofra e Poezise Shqiptare

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Lexuar : 273

Pranverë e trishtë

Si e kanë dallëndyshet hallin?
Nuk cicërijnë. S’di pse?
Herë ikin, herë vijnë në fole, herë dalin
Pastaj ikin e kthehen prap në fole.

Ditë-netët janë po ato
Të qelqta, të paqta, asgjë ndryshe
Veç pranverën, të trishtë e shoh
Dhe dallëndyshet.

Ikin radhë e radhë, pa cicërimë
Herë zhduken, herë në horizont shfaqen
Pranverë e vonuar sivjet duket
E dallëndyshet si njerëzit plaken.

Ikin radhë e radhë, pa cicërimë.

Shpërndaje në rrjetet sociale:

Porosit vide-poezine tende, kontakto => laberianews@gmail.com

Tags: poezi shqiptare, Shefik Arifi