Mos harroni – Astrit Bulla

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Mos harroni

Trishtueshëm i kthyem shpinën qytetit,
kur jetesa ishte shumë e vështirë,
përdore ju hipa në taracë të tragetit,
ju thashë : – Këtë breg shikojeni mirë…

• Flisni vetëm shqip ju kërkoj përherë,
  dhe shqip ju flas në gjuhën tuaj,
  mërzitem kur dëgjoj ndonjëherë,
  qoftë edhe një fjalë, nga ju, në gjuhë të huaj…

Ne kemi shumë vite që kemi mërguar,
ju bijat e mia tashmë jeni gra,
gjuhën tonë të bukur s’e keni harruar,
gëzim më të madh për mua nuk ka…

Nga Durrësi larguar u bënë vite shumë,
dhe ju shpesh Durrësin kujtoni,
ju del Shqipëria në ëndërr, në gjumë,
Durrësin dhe Shqipërinë kurrë mos harroni…

TITI…