Labëri moj perëndi! – Landri Xhemalaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Labëri moj perëndi!!!

Kush s’ka njohur Labërinë
S’është takuar me perëndinë
Aty zotat shtruar rrinë
Barabar me njerëzinë !!!

Labëria plot lezete
Mbushur me këngë e me bejte
Ç’bukuri që ke mbi vete
Sa për pesë vilajete

Kush si pa malet e tua
Ato që puthen me retë
Në çdo shkëmb, e në çdo krua
Mban mbi vete një legjendë

Labëri moj zonjë e rëndë
Kush s’ta pati ty zilinë
Historia flet me këngë
Brez pas brezi vetëtimë

Me djem e vajza si nure
Në ballë e puthin lirinë
Më e bukur në mes shoqesh
Rreth e rreth malet të rrinë

Kush shkeli viset e tua
Edhe nuk u mrekullua
Edhe vetë perënditë
Të masin me yllësitë

Vlorë 29/05/2021