Vjeshta më mbush frymëzim – Shefik Arifi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Vjeshta më mbush frymëzim

Iku pranvera më lule shumë
Ja, iku edhe vera e unë heshta,
Ç’paten vargjet ashtu tek unë?
Apo presin që t’i mbyllë vjeshta?!

Vjeshtë! Mbushmë me frymëzime plot,
Nga gjitha stinët, atë e vë të parën,
Nëpër të nuk hallakatem kot
Si kokrra të pjekura ta kem edhe fjalën.

Pemët gjethet një nga një i hedhin
Kjo mua s’më trishton aspak,
E di që pemët nesër do të çelin,
Pemët dhe vargjet do të çelin prap!