Trëndafil me vesë – Rrahim Billa

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Trëndafil me vesë

Çeli trendafili i kthjelltë është moti
Po pse mbi petale , paska pika loti?!…

– Trëndafil mos qaj , se zemrën ma zhurit
Çdo pikëz e lotit tënd , që si zjarr shëndrit

– Jo…unë nuk po qaj , janë lot gëzimi
Se erdhi pranvera , s’më djeg më thellimi

– Sa më ke mahnitur e s’di se si ta shpreh
Por kjo aroma jote, se ç’ka që të deh

Harbut , s’dua të jem , ndaj vuaj e të lus
Nëse më lejoni , një gonxhe ta këpus

– Unë po të lejoj , por shpejt do të venitet
Ndaj lereni të qajë , deri sa të nginjet

– E unë se zgjata më e se këputa dot
Më mirë t’na magjepsë , duke qarë me lot.

Rrahim Billa / Albania
Shk. nga libri
“Therrime Diamanti”.