Ndalet qerrja e babadimrit – Nijazi Kastrati

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

NDALET QERRJA BABADIMRIT

( Pëf fëmijë )

Dje shtazët në mal
Kanë bë një marrëveshje,
Të kontrollojnë qerren e babadimrit
Kur del maje bjeshke.

Dëgjoni të gjithë mirë- tha drenusha
Dhe ti atje në fund moj mike,
Punën që do e bëjmë sot ne
Vërtetë është shumë fisnike.

Do e kontrollojmë qerren
Fund e kokë çdo skutë,
Mos ndonjë virus
Në dhuratë është futë.

Kanë vuajtur si shumë
Fëmijë e të rinj,
Viti që po hyjmë
T’u sjell fat e mbarësi!

Edhe për diçka tjetër
Po ua tërheq vërejtjen,
Çokolatat në thes
Asesi mos të preken.

Më tepër vlenë për ty kjo
Lepurosh veshgjatë,
Sepse çokolatat
Shumë i ke merak!