Buzë Pranverës ti luledele – Luan Sheshi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

BUZË PRANVERËS TI LULEDELE

Me lëkurën hequr zvarrë,
Dimri gjorë fund-shkurtimi,
derdhur fushash si i marrë,
gjelbërimesh prag ngunjimi…

Shtatin rritur vrapon dita,
rrezearta hedh gjithkund,
pyllit errët dyndet drita,
lisi plak dëborën shkund…

Tej nën ferrë fshehur rri,
manushaqja e luledelja,
sytheplasurat përkarshi,
pak më tej fole-dembelja…

Akullimi mëngjesit flakur,
horizontesh retë si zhele,
muzgu feksur,i përgjakur,
buzë pranverës ti luledele…

Luan Sheshi: 21 shkurt 2020…