Si një shpirt i dashur – Maria Kuci (Dudi Hizmo)

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

SI NJË SHPIRT I DASHURUAR
@
Flutura të bardha hodhi qielli
Nga barku i tij i dashuruar
I shoh ngadale si puthin ajrin
E tokën mbajnë të përqafuar
@
Maja malesh si pleq të moçëm
Qeleshen mbajnë fisnikëri
A thua me flutrat e bardha
Të kenë rënë në dashuri??
@
Pishat halore po përthyhen
Si ti rëndojë kjo bardhësi
Nga kjo magji qiellore dehen
Një çast e ndjehen…ripërtërirë
@
Ca flutra bien mbi gjethe vjeshte
Si një kopertë që butë rri
I mban ngrohtë,ngadalë në heshtje
Si mban kujtimet çdo njeri
@
Duart i zgjati shtrij drejt qiellit
Të prek disa …si një fëmijë
Që verës kap rrezet e diellit
Vrapon të kap hijen e tij
@
Sot në fëmijë më kthen Debora
Në një fëmijë të llastuar
Marr ca flutura e mbushet dora…
Porsi një shpirt i dashuruar