Gjeta eshkë – Natasha Limaj
GJETA ESHKË
Thash se muza qe venitur, që në rrënjë marrur të tharë,
Për çudi…, palclabërisë, bup…,e mori ,porsi zjarr…
Sy “ Ciklopi “ un’e tëra, rrëmbeva ç’kish në natyrë,
Me të shtata të ylberit , kapilarëve u dhash ngjyrë…
Sup më sup e kapur qiellin, pelerinbardhat shtrënguar,
Ç’më bëre imagjinatë?!..Me “ Mite “ më ke trazuar…
Perëndesha Labëri, vargmalet rrotull kurorë,
A, s’më thua , kush t’i derdhi, çelnajat, cili piktor?..
Vallen me rrezen e diellit, blerta-verdha-rozërimi,
Shpirti “ Pegas “ i tërbuar , me sy hapur ëndërrimi..
Orë-Zanë- Shtojzavalle, seç mu shfaqe , mbretëri,
Nëpër kodrinat e tua , kërkoj “ Gjergj Elez Ali “…
Me fat , me fat që shijova, virgjërinë me lulërime,
Prehrit tënd, moj Labëri , gjeta eshkë, për muzën time!…
N . L . ( F ) 16 / 03 / 2019
Mbresa nga një udhëtim në Labëri.