Heronjtë e mi – Fatmir Gjata
Sugjeruar nga Xheva Salihaj
Heronjtë e mi
Heronjtë e mi sot janë ca doktorë,
të heshtur e të dhembshur në spital
Mbuluar që të gjithë, këmbë e dorë,
atyre ju bëfte jeta sa një mal
Ata, aq të shpërfillur deri dje,
të mbushur me mallkime e uruar
Ata në vijë të parë në këtë luftë,
sa prift do bëhem sapak për ti bekuar
Sapak do të thërras gjithë perënditë,
të gjitha ti betohen Hipokratit
Doktorë, na sillni jetën që e duam,
doktorë mos na lëshoni n’dorë të fatit
Se jetën paskam dashur kaqë shumë,
e shenjtë është më shumë se sa shenjtorë
Heronjtë e mi tani shkuan në luftë,
me armë e përkrenare si doktorë
E heshtni gjithë sa jeni lapanjozë,
një çast mos të dëgjojmë për politikë
Mjaft ju që flisni keq edhe shpirt blozë, mjaft kukuvajka që ndillni vetëm frikë
Fatmir R Gjata