Më vjen si Hyjneshë – Kujtim Hajdari

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

MË VJEN SI NJË HYJNESHË

Më vjen kaq e qeshur si vjen një hyjneshë,

Me hënën në ballë dhe yjet në flokë,

Të përkëdhel pranvera dhe ëmbël të qesh,

Si lulet e saja që s’maten në tokë.

Kur shoh sytë e tu si prushi, të ndritur,

Për mua në botë zhduket çdo vegim,

Dhe dielli më duket i largët, i fikur,

Dhe pse është i bukur, larë në shkëlqim.

Ditët marrin jetë nga rrezet e tua,

Dhe zemra agimet m’i ndez nëpër maja,

Buzëqeshjet plot dritë kur m’thua “të dua”

Pranverës ja ndezin gjithë ngjyrat e saja.

Dashuria krahët i hap të fluturojë,

Me ëndrrat e jetës shpirtërat rrezaton,

Me dashurinë tonë që kemi mburojë,

Koha lumturinë çel e zbukuron.

KUJTIM HAJDARI