Udhëve të botës – Anton Marku

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

UDHËVE TË BOTËS

Mbrëmë e preka
atë që nuk ishte

dëgjova
lutjet që su thanë

i dehur nga uji
që më ra syve

një palë ëndërrra
i kam parë diku

në një vend
që ende nuk ka emër

nata u nis dikah
e harroi për tu kthyer

fjalës ju fryen damarët
vetveten braktisi

tek po bëhej gati
t’i shtrëngonte dorën jetës

rrugëve që nuk i njohu
i zbrazi orët

pa arritur atje
për ku ishte nisur.

Vjenë, 28 tetor 2018
Anton Marku