Manushaqe e bukur – Natasha Ilia

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Manushaqe e bukur

Erëkëndshme lule,rënjën nën gurrë
Shpirtin më këpute më the larg nga unë
Veç në sipërfaqe të hollin kërcell
Mes petalesh e verdha të shkëlqen si diell

Aq e vockël je të këndshme ke erën
Ngjyrë mov në ble s’të ndërroj me tjetër
Mos e fshi ti kokën në shkëmbinj me gurrë
Para manushaqes,përkulet çdo burrë…

Më e bukura lule ti na sjell pranverën
Nën gjunjë më ule të kam shumë për zemër
Nën gëmushë fshehur nga ngrica e mbrojtur
Me aromë më dehe për ty jam marrosur

Dil pse ri e ndrojtur mos më mer më qafë
Në shesh do të dal,dielli rreze lëshoj
Mos e bëj për fjalë ,se të dua djalë
Të kam falur zemrën ty të dashuroj…

N@t@sh@ Ili@ Greece
************************
Të gjitha të drejtat e autores janë të rezervuar@