Ah ,ti luleborë… – Hasan Qyqalla

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

AH,TI LULEBORË

Dita ikën kuqërremte është qielli,
Retë coptohen në qiellin e paanë
Kujtimet vardisen si valë oqeani
Përtej shtatë brigjesh ti gjenesh pengëzënë…

Kurrë s’u takuam kur e lamë
Këndej del hëna andej dielli ,
Lotët e trupit derdh pritja
Strehë më bëhet qielli .

Buzët e thara s’i njomë as deti
Një det dallgëzuar i yni mall
Nuk jemi gjithnjë zoter të ndjenjave
Ka dhe largesi të paanë…

Këmbanat bien e vitet heshtpjnë
Germat e fjaleve që s’thash mbledh në dorë
Në shpirt si refren i lodhur pasthirrma
“Ah ,ti luleborë…”

Prof.HASAN QYQALLA