Ekzili i ëndrrës – Hasan Qyqalla

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

EKZILI I ËNDRRËS

I mpirë pres n’ishullin e ngrirë
Prehjen e ëndrrës
Valsin tisbardhë
Kandil buzë muzgut
A thua larg vajte
Sa larg vajte
N’ekzilin e hijes
Strehim n’brigjet e pritjes.

2.
… e loti
Po të trathëtoi loti
Pikëtim si kokërr misri
Në gjoksin e prushtë
Mbyllë dritaren e syrit
Mos të thej rrezja e agut
Mbase dhembjen shprushë

3.
Palos netët e vrugëta
E ditët e mugëta
Në kujtesën e trishtë
Ditarin varë në murë

N’pritje qesh Pikaso
me ngjyrat në pikturë.

Prof.Hasan Qyqalla