Peisazh… – Violeta Hoxhaj Hysenaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Peisazh

E etur erdhi pranvera,
Esëll për një përqafim,
Ia gjeti krahët e prera
Pritjes, hijes në ngujim.

Lulet mbetën të paputhura,
Nga sytë që dimri i ngriu.
Venë e vijnë bletë e flutura,
Partiturë pa njeriun.

Zogjtë këngën e kanë nisur,
Cep më cep, në çdo sinor,
Virusi paska lajthitur,
I ka lënë pa spektatorë.

Fijet po m’i dredh në zemër,
Dritëhijeve ky peisazh.
Zot, më thuaj është ëndërr,
Zot,më thuaj është mirazh.

Violeta Hoxhaj Hysenaj