Luftoj për të jetuar – Fatime Kalimashi
LUFTOJ PËR TË JETUAR
Luftoj për të jetuar
Një jetë të mirë
Jo për tu robëruar
Në pranga e zinxhir
Luftoj për të jetuar
Një jetë me të bukur
Asgjë për t’iu cenuar
Me shpresë duke u lutur
Luftoj për jetën
Për mua dhe për ty
Të gjithë kemi të drejtë
Të jetojmë në liri
Luftoj e nuk ndaloj
Për çdo gjë që më takon
Kujt i bëhet padrejtësi
Drejtësinë ta kërkon
Luftoj për njerëzinë
Për të mbjellur dashuri
Për ta zhdukur urrejtjen
Për të përhapur mirësi
Luftoj me zemër
E ndihmoj dhe shpirtin tim
Luftoj dhe djallin e mallkuar
Të gjithë për t’i parë n’shpëtim
Luftoj për drejtësi
Luftoj për të vërtetën
Për ta zhdukur xhelozinë
Ta kuptojmë rëndësinë e jetës
O njeri i mirë
Përse je duke jetuar
Siç ke ardhur në këtë botë
Ashtu një ditë ke për të shkuar
Kjo jetë i takon atyre
Që bëjnë vepra të mira
Aty ku ndjehet dhimbja
Ndjehet dhe dëshira
Aty ku ndjen zemra
Dashurinë për njerëzinë
Aty ndjen dhe shpirti
Lumturi për mirësinë
Aty ku besohet Zoti
Bëhet dhe pendimi
Aty ndjehet paqja
Ndjehet dhe gëzimi
FK