Sa mallëngjim kam sot – Nijazi Kastrati

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

SA MALLËNGJIM KAM SOT

Sa më mallëngjen sot
Zëri yt bilbil,
Aq bukur këngës ia thua
Aty mbi lule trëndafil.

Në këtë mëngjes të bukur
Me plot rreze dielli,
Hijeshon kënga jote
Si pas shiut ylberi.

Dhe vie gushkuqi
Ëmbël cicërron në dritare,
Si fëmijtë kur këndshëm lexojnë
Për herë të parë në abetare.

Melodi e bukur dhe
Nga zogjë tjerë dëgjohet,
Në këtë natyrë pranvere
Kur gjithçka po gjelbrohet.

E kjo këngë e jote
Po na mbushë plot shpresë,
Se ky virus korona
Shumë shpejt do të vdes.

Në këtë pranverë të bukur
Së bashku me ju dhe unë,
Dua të më rrjedh lirshëm jeta
Po si ujë në lumë!

09.04.2020