Fjala – Avni Skenderaj

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

FJALA

Gojë mjalt a zeher,
zgjidh të parën o njeri.
Në jetë vjen një herë,
dhe do ikësh përsëri.

E folur apo e shkruar,
dallon fjala e vërtetë.
Njeri qofsh i bekuar,
mendoi fjalët në jetë.

Fjala e mirë ngroh zemrat,
rrit njerëz të mirë.
Oh sa mirë e kanë nënat
fjalën mjalt mbajnë në shpirt.

Fjala lidh miqësitë,
në çdo gjuhë që të flitet.
Ajo nxit armiqësitë,
dhe me fjalë njeriu vritet.

Fjala vëllezër e motra,
ndez flakë dashuritë.
Një gjuhë të kishte Bota,
do të ishte më e mirë.

Zot i madh i Gjithësisë,
atje lartë ku ti je.
I dhe fjalën njerëzisë,
një mrekulli i dhe….

Avni Skënderaj