Atdhe mos pritni – Sliver Sliver

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

A T D H E M O S P R I T N I . . .

Atdhe mos pritni, Atdhe s’ka më,
Atdheun e shitën si mall me vlerë,
Veç rafia bosh, tjetër s’lanë asgjë,
Asgjë më s’kujton dheun e mjerë.

Atdhe mos pritni, Atdhe s’ka më,
Atdheun e përlanë “peshkaqentë” e uritur,
Në ankandin global s’i mbeti gjë,
As historia e tij përmbi shekuj ngritur.

Atdhe mos pritni, Atdhe s’ka më,
Atdheu në mungesë nuk ka lavdi,
Më kot gjithandej mos ngrini zë,
Tash me të parë, të bëheni fli!

– Sliver Sliver –
Athinë, 07 prill, 2020