Kapele për kokë – Nijazi Kastrati

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

KAPELË PËR KOKË

Me përmasa të mëdha njerit
I ishte rritur koka,
Kapelë nuk mund gjente
Me te qeshte bota.

Ngado që kërkonte
Vërtetë befasohet,
Mos kërko kot i thoshin
Këso numër s’prodhohet.

Dhe në një shitore
E gjen në një qosh,
Por tregtari koprrac
Ishte mjaft balosh.

Shumë shtrejt ia llogarit
Kapelën e madhe,
Duke ditur se askund burri
Nuk do bënte qare.

Mos të duket shtrejt- tha
Dhe lëvizte gojë e hundë,
Këso kapelë të madhe
Nuk e gjenë askund!

Mirë thua zotri
Por të them dhe unë një fjalë,
Këso koke e madhe dhe ty
N’duqan kurrë s’ka për të ardhë!