Hija jote – Natasha Ilia

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

HIJA JOTE

Erdhe e nuk të pashë
Po vargun e kisha pranë
Nëpër gjurmë të ndoqa,
Hija jote më rinte matanë;

E përhimtë si grafit
Shëmbëlltyra jote
Dhe më thotë: prit!
Prisja hapjen e një porte…

Shpirti në përpëlitje
Nga pritja e dhimbshme…
Vargu thahej e zbehej
Në heshtjen e çuditshme;

Ëndrra të mpira kortezh…
Përgjysëm vargu i lënë
Durimi zgjatet si solfezh…
Dhe fjala do mbetet pa thënë…

Pres mbyllur në karantinë.
Syri s’ka lotë, po perde akulli.
Frymën të ndjej, afërsinë
Vargu nuk zgjohet nga makthi…

N@t@sh@ Ili@ Çuro Greece

E drejta e autores rezervuar!