Udha e dashurisë! – Zamira Hajdari

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

UDHA E DASHURISË!

Kthehu, shiko pas i dashur,
sa e gjatë udha jonë e dashurisë!
Eh, aspak të lehtë s’e kemi pasur,
shpesh u rrëzuam dhe u ngritëm sërish!!!

Plot ferra, gjembaçë udha jonë ish shtruar,
zemrat na u gërvishën e pikuan gjak,
petla trëndafili gjaku ynë buluar,
lule dashurie çeli cak më cak!

Spërkatën flokët tanë vitet-shi-argjendi,
brazda përmbi ballë koha na i gdhendi,
bashkë dorë për dorë në t’jetës rrugëtim,
udhë e dashurisë për ne ska mbarim!!!