Puthja e parë – Zoica Gjolla Popi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Zgjodha këtë poezi për te uruar krijuesit, botuesit, e lexuesit e mi te dashur në Ditën Botërore te Librit! Gëzuar e plot suksese!

Poezi

Marrë nga libri “E Lare Me Yjet”

PUTHJA E PARË

Tisi i natës në melodi bilbilash
mblodhi gjithë të dashuruarit
një gënjeshtër paskan thënë
e të sapo zënë
e të sapo lënë.

Ju të marrosurve
në ngjashmëri të plotë
ju kam dëgjuar të keni thënë
të parën puthje plot pasion
njëri tjetrit ia keni dhënë.

Mos e thoni atë fjalë
në qeshje të pikëlluar
pikë loti do pikojë
në shpirtin e malluar.

Ah, vajza zanëlëshuara
në kalorësi princash të kaltër
puthja e parë në ëndërr mbeti
në një yll u yllëzua!

3 – 8 – 2018
Angli