Ëndërra e Elës {Për fëmijë} – Nijazi Kastrati

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

ËNDËRRA E ELËS

{ Për fëmijë}

Gjysh o gjysh
Diçka të tregoj,
Një yll erdhi mbrëmë
Dhomën më ndriçoi.

Erdhi më përqafoi
Dhe gjumin më nxori,
Më mikloi fytyrën
Dhe dy fjalë i foli.

-Erdha të të marr-tha
Më porositi mbrëmë,
Të kishte pa hëna
Duke lozur n’dhomë.

Sa kënaqësi ishte gjysh
Të fluturosh në gjithësi,
Toka dukej poshtë
E yjët në lartësi.

Hëna qe e prerë
Vetëm dy tri fjalë:
-Të të jap bukurinë-tha
E të qoftë rrugë e mbarë!

-Unë tha ndriçoj qiellin
Ti do të ndriçosh tokën,
E ne dyja së bashku
Do e ndriçojmë botën.

Dhe kur deshti t’më puthte
Të më thot lamtumirë,
Mua më doli gjumi
Nga ajo ëndërr e mire!

28.04.2020