Kush e ndjeu – Ramiz Kuqi

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

KUSH E NDJEU

Aromën tënde trëndafil
U bë peng i ngjyrës tënde
U bë diell e u bë fyell
U bë fjalë

Preku një qiell me shi
Dhe natën përplot me yje
U lidh si kulpra për shtat shelgu
Edhe kur tretej si hije

Kush e ndjeu u bë muzë
Dhe fluturoi varg më varg
U bë ëndërr u bë metaforë
U bë engjëllor

Kush e ndjeu …

Oslo, më 28.4.2020