Eja… – Silva Ternava

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

EJA …

Eja të fal përqafimin

Të dhuroj ëndrrat

Në varkën e detit t’ëmbël

Te lundrojmë drejt pikëpjekjes

Ku s’na gjen njeri

Të harrojmë gagarisjet e kohës

Siluetë në skaj të botës…

Të strehojmë në shtrojer

Stinë aromëgjelbër

Te fluturojmë reve të bardha

E yjet mbledh n’shuplakë

Marshojmë shtigjeve flakë

Të mundim akrepat e kohës

Mes gjallimit e vdekjes

Silva Ternava
2012. Auckland, New Zealand