Pakë shpresë – Sherife Malo Allko
Pakë shpresë
*************
Në trotuaret e botës
eci-eci dhe vrapoj ,
jo me taka si në vendin tim,
por me këmbët zbathur
e zemëruar me planetët.
Nuk ka më salla mondane
ku kërcehej tangoja,pihej vera
e derdhej shampanja .
Jo ,askund nuk ka .
Përplasem mureve të harresës ,
ku përbuzja e ironizimi
e coptuan durimin tim
në harresën e botës .
Eci e eci në trotuaret e botës ,
nën hijen e gradaçielave të larta ,
që hijerëndë më vështrojnë ,
teksa unë vrapoj me shpirtin e trazuar .
Eci e eci ,vrapoj si maratonomak
në trotuaret e botës
lë gjurmët e mia ,
si damka mbi trupin e skllavit .
Buzëqesh o botë e madhe
buzëqesh për të gjithë ne !
Ti nuk je burgu
i shpirtrave të trazuar.
E lashë udhëtimin në mes .
U ktheva mes jush ,
O njerëz të vëndit tim !
Djersën dhe mallin
në tokën time do e mbjell .
Sherife Malo Allko
02.05.2020
Albania -Tirana
Të drejtat e autores të rezervuar!