Shqipëria – Hajdin Morina

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

SHQIPËRIA

Shqipërinë e pata njohur
së pari në librat ilegalë
dhe në burgun
e mësuesve të mi në gjimnaz.

Shqipëria s’ishte
as ajo në librat e historisë,
as ajo në hartat e gjeografisë.

Shqipëria nuk është as kjo
që mësohet sot në shkollë.

Asnjë hartë nuk e mban
Shqipërinë që njoha
në librat ilegalë në gjimnaz.