Është kaq e bukur kjo natë – Bedri Zenel Islami

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Është kaq e bukur kjo natë,
si një ëndërr e vendlindjes…

me hënën që ecën mbi lumë
me zogjtë që struken dhe bëhen gjethe,
me këputjen e pikave të fundit të shiut
si mërmërimë argjëndi,
me trëndafilat që po çelin në gurishte,
si mall i dhëmbshur dashurie,
me kopështin e humbur
mbi pendët e patave shtegtare,
me erërat si kujtimet e largëta
në jargavanët e portës…

Nuk mund të arratisem gjithmonë
të lë këtë lumë vendlindje të rrjedh pa mua
me hënën që ecën mbi ujra…