Flej tani – Bedri Zenel Islami

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Flej tani,
ka gjithmonë një çast
për t’u nisur drejt ëndrrës.

Mbuluar në heshtjen e natës
është gjithmonë një kohë
kur ëndrra çel si trëndafilat e mëngjesit,

vesa e rënë mbi to si çasti i pritjes
gonxhet
ende paçelura
si buzët e puthura,

dega e gjelbër,
si pusi i vjetër
ku dikur shihnim vetveten…
tallazohej uji
tallazoheshim edhe ne…

Është gjithmonë një kohë
për të besuar ëndrrat…