Gdhendje në gur – Demir Gjergji

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

BALADA E TRUPIT PA JETË

-Gdhendje në gur-

Një trup i pajetë,
Në mish ftoh një predhë,
Ndërsa plagë e nxehtë
Ndër të gjallë bredh.

Bëhet klithmë nëne,
Pik në lot fëmije,
Psherëtimë hëne
Në natë pusie.

Një njeri pa shpirtin,
Si vedër pa verë…
Nuk e njeh më dimrin,
S’udhëton mbi tastierë.

…Një ushtar të vrarë
Një dafinë e pret,
T’i bëhet damarë,
Në gjethin e blertë.

Një njeri në dhé,
Bërthamë që mbin;
Ah nën borë atje,
“Ah!” në kurmin tim!