Malli për shkollë{Për fëmijë} – Nijazi Kastrati

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

MALLI PËR SHKOLLË

{ Për fëmijë }

Shumë më ka marrë malli
Të shoh shkollën time,
Mësuesen e dashur Vlorë
Që na pret më gëzime.

Në oborr të shkollës
Shokë e shoqe shumë,
Vargu i nxënësve rrugës
Dukej po si lum.

Lulet në park shkolle
Shkëlqenin në vesë,
Dukej se gëzoheshin
Kur shkonim në mëngjes.

Për gëzimin tonë
Hapnin shumë petale,
Një freski e bukur
Vinte larg nga male.

Shumë zogj e bilbila
Këngës ia thonin,
Së bashku me ne
Dhe ata gëzonin.

Dua shpejt të kaloi
E zeza pandemi,
Me shokë e me shoqe
Të shkoj n’shkollë përsëri!

16.05.2020