Një martini, të lutem – Suzana Alimani

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

Një martini, të lutem

Një martini të lutem
që ta kthej me fund
ta marri e mira
të dehem, ta humb

Një martini të lutem
një fletë e pakë bojë
s’më duhet gjë tjetër
se dielli perëndoi.

Një martini të lutem
t’i shkruaj asaj
sa shumë piva vetëm,
sa herë kam ndjerë faj.

Një martini të lutem
një cigare k’shtu kotë
ta mbaj nëpër gishta
se s’è duroj dot.

Një martini të lutem
dhe ik , më lër vetëm
ta hedh hallin tim
në këtë copë letër.

Një martini të lutem
Pak guxim e fjalë
ta shkruaj, të shkretën
cfar’ s’i thash asaj.

Një martini të lutem
harresë bëj një thes
ta dredh k’shtu me nge
deri sa te vdesë

#suzanaalimani