Dardani përse rënkon – Kasam Shaqirvela

Dhuroni donacionin tuaj per mirembajtjen e portalit dhe per promovimin e poetit tuaj të preferuar.

DARDANI PËRSE RËNKON

Dardani, ç’është ky mallkim në ty?
Ç’nëmë ke lëshuar përmbi ne?
Ti nuse pa burrë dhe s’je e ve!
Dy s’të bëhen një, njëshi të bëhet dy!

Dardani, përse po të bien dardhat?
Dhe po të mbijnë gjemboçe ferrat!
Dimrat e gjatë veshun me të bardhat
Ah, sa po të shkurtohen pranverat?!

DARDANI, pse po mallkon,
Bijtë e tu a s’të kanë besë?
S’ka ilaç që t’i shëron
Plagët e tua që i ke pesë!

Mos m’prek më n’plagë të vjetra!
Se shpirti e zemra m’janë molisur
Sa më mbyllet njëra m’hapet tjetra
Ngjyra e gjakut më ka stolisur..!

© Kasam ShAQIRVELA